شعر لری بختیاری به خط لری پاپریک از مسعود بختیاری

 اٛی خوڌا بال بوم بڌه

اٛی خوڌا بال بوم بڌه جۊر کَمۊتر

برڤوم بال اۉشنۊن اٛیلاخ چال تَر

اٛی خوڌا بال بوم بڌه تا بزنوم بال

برڤوم بال اۉشنۊن ئی مال و اۊ مال

آخی وای هم تا قیامت

اٛی خوڌا بال بوم بڌه تا بزنوم فِر

برڤوم بال اۉشنوݩ ئی دِر و اۊ دِر

اٛی خوڌا بال بوم بڌه دو بال إسبی

برڤوم بال اۉشنوݩ هر جا که غم نی

برڤوم هَر جا که غم نی

چه خۊئه مالا وَنن مؽن مَرغزاری

کومیت‌چاله زین کونی بازی دِراری

کومیت‌چاله زین کونی بَری به یورغه

لَغومه طلا گِری، نالاسه نورغه

قالیا نه فَرش کونی همه یَک ٱنداز

میشکاله بوگوئی هوف کون مؽن ساز

قالیا نه فرش کونی یَه لا ۉ دو دو لا

میشکاله بوگوئی هوف کو به کَرنا